جمعية قلب كبير – qalb kabeer NGO جمعية قلب كبير – Qalb kabeer NGO
“نورنا”… العلم بيفتح لنا أبواب جديدة!
في كورس العلوم “نورنا”، وأثناء رحلتنا في عالم علم البيولوجي، أطفالنا دخلوا في جولة مبهرة داخل أجسام الكائنات الحية من الداخل
اتعلمنا إيه؟
– اكتشفنا أجهزة جسم الإنسان ووظيفة كل جهاز.
– عرفنا إزاي الجسم بيتكون من خلايا، وإيه الفرق بين DNA و RNA.
– فهمنا إزاي الجسم بيجهز البروتين وبيشتغل يوميًا بدون ما نحس.
– قارنا بين شكل وتكوين الخلايا في الإنسان والحيوان والنبات.
– وشوفنا مع بعض أجزاء جسم العنكبوت كمثال ممتع على الكائنات الحية.
التجارب العملية:
الميكروسكوب التركيبي:
استخدمناه لرؤية تفاصيل دقيقة لأشياء صغيرة زي (نبات، نمل، بلورات، منديل) علشان نشوف اللي مش بنشوفه بعينينا.
مكعب 3D:
استخدمنا مكعب مجسم ثلاثي الأبعاد لمشاهدة أعضاء جسم الإنسان بالتفصيل بشكل تفاعلي يخلينا نفهم جسمنا أكتر ونقدره.
في “نورنا”، العلم تجربة مليانة فضول واكتشاف، بنفتح بيها عقول الأطفال ونساعدهم يشوفوا العالم بطريقة مختلفة
